Arz Speaks

Pagsusuri ng Maikling Kwento

Pluma at Papel Sa Aking Paglalakbay

Buod:

Naalala niya noong taong 1998 ang taong kung saan natutong magsulat at magbasa hanggang sa naging ulila at ipinag-aral ang sarili sa pamamagitan ng pagsusulat at sa tulong ng isang iskolarsip. Sumali sa mga kompetisyon at nanalo nang sumulat ng patungkol sa pluma at papel at sa kung anong kahalagahan nito sa buhay, at naalala niya ang kanyang sinulat at sinilaysay sa kwento ang mga pangyayari tulad ng pag iwan ng mga magulang sa isang bata at kung paano nito natagpuan ang mga magulang ng naging isang sikat na manunulat.Doon rin niya napagtantong magkatulad ang istorya ng kanyang buhay sa tauhang kanyang isinulat. Maging ang kauna-unahang pagkakataon ng sumakay ng eroplano at pilit paghabol ng eroplano sa mga bituin sa langit. Naalala din niya ang kahalagahan ng edukasyon at pagkamtang sa mas malalaki at matayog na pangarap.

Mga Tauhan :

Ako – Si ako ay isang estudyante na naulila sa mga magulang dahil sa isang “raid” kung saan nabaril ang kanyang ama at nakulong ang ina. Siya ay nanalo sa isang patimpalak sa pagsulat noon sa  RSPC o Regional Schools Press Conference at patuloy na inabot ang magandang pamumuhay sa pananagitan ng pag –aaral at pagkamtang sa mga pangarap.

 Uri ng Tauhan:

Ako- Si “ako” pangunahing tauhan  o protagonista sa kwento at sa kanya umiikot ang istorya ng kwento.

Maituturing na dinamiko si ako sapagkat sa unang parte ng kwento ay may kalungkutan ang kanyang pagkatao at may hinahanap ng nag-laon ay nagbago ito nga pag-iisip patungkol sa buhay at noong una ay mahirap at nakikitira sa mga kamag-anak ngunit nang nagtapos ang kwento ay naging matagumpay at naging mas mapag unawa sa mga bagay tulad ng mga pagsubok na tinahak bago makamit ang rurok ng tagumpay.

Tagpuan:

Sa may paaralan at sa bintana ng bahay kung saan kitang kita niya ang mga bituin sa langit na tila kay layong makamtang.

Banghay:

Panimula: Nagsimula ang lahat ng problema ng nasawi ang kanyang mga magulang sa isang “raid” at pagiging manunulat niya nagbukas ng pinto upang makapag-aral at makasali sa mga kompetisyon.    

Tunggalian: Tao laban sa lipunan –Sa kwento, ang lipunan ang nagbigay ng problema kay “ako” kabilang ang kanyang magulang na hindi naging responsable sa pagtugon sa kanyang pangangailangan at ang pagkalulong nito sa bisyo na naging dahilan ng pagkasawi ng ama at pagkakulong ng ina, ang mga kamag-anak na imbes tumulong ay nakuha pang pagsamantalahan ang kahinaan niya at maging ang gobyerno dahil sa kawalan nito ng aksyon at tulong sa mga batang katulad niya na interesadong mag-aral at matalino.

Kasukdulan: Ito ay ang pagsali niya sa RSPC o Regional Schools Press Conference na kung saan nanalo siya sa kompetisyon dahil sa isinulat na akda na halos magkapareha sa istorya ng kanyang buhay . Doon nakamtang niya ang maliit na bahagi ng kanyang pangarap ang makapagsulat. Doon din siya nagkaroon muli ng pangarap at pagganyak sa pagpapabuti ng sarili.

Kakalasan: Matuturing na isang tagumpay ang pagkapanalo sa isang kompetisyon ngunit ang pagkamit ng edukasyon at pagkamit sa mga matatayog na pangarap ay mas magiging matagumpay kaya napagpasyahan niyang mangarap ng mas matayog at umabot na mas matatayog pang pangarap tulad ng pagkamit ng edukasyon.

Wakas: “Dito ko napagtantong ang bituin na ayaw pahabol at paabot ay ang ticket na pluma at bituin sa aking paglalakbay sa mas mataas pang pangarap at mataas na susuungin sa buhay.Ang pagpupuyat ,pluma at ballpen na sumisimbolo sa ating edukasyon and ticket ng tagumpay sa buhay at biyahe sa buhay…” , ika nga sa kwento nang marating na niya ang rurok ng tagumpay ay napagtanto niya ang simbolo ng mga bagay na mahalaga sa kanya tulad ng “ bituin na ayaw pahabol at paabot” ito ay tungkol sa pangarap na dapat mong patrabahoan at pagtiyagaang makamtang at pagpupuyat ,pluma at ballpen ay sa ating pagpupursige sa gitna ng gabundok na pagsubok sa buhay at panghihina dahil tao rin naman tayo na marupok sa mga temtasyon sa buhay.

Tono:

Kalungkutan dahil sa kwento ng kanyang mga magulang at kanyang pagiging ulila.

Pagkaganyak dahil naging inspirasyon ito sa mga kabataan na mag aral mabuti at maging mapagmahal sa magulang.

Uri ng Maikling Kwento:

Kwentong Pangkatauhan dahil ang nangingibabaw sa kuwentong ito ay ang katauhan ng pangunahing tauhan at pinapakita ang realidad ng buhay sa ating lipunan na marami sa atin ang may problema sa pera at sa pamilya maging sa pagpapaunlad sa ating sarili.

Simbolismo:

Pluma at Papel- Sumisimbolo ito sa karunungan at sa importansiya ng edukasyon sa    ating lipunan sa kasalukuyang panaho.

Mas maraming tinik ang realidad kaysa mga rosas- Ito ay sumisimbolo sa mas masakit ang mga pangyayari sa totoong buhay kaysa mga nakasulat na pangyayari sa isang kwento tulad ng kwento ni “ako” na isa siyang manunulat at mas masakit ang mga tunay na pangyayari mayroon siya sa buhay kaysa sa mga iniisip niyang puwedeng isulat sa kanyang mga akda.

Bituin sa kalangngitan na ayaw pahawak at pahabol - Sa kwento, nangangahulugan itong pangrap na di dapat magtapos sa mga maliliit na pangarap na natutupad tulad ng pagkapanalo ni “ako” sa kompetisyon ng pagsulat kundi ito ay sa buhay na tulad pagtatapos ng pag-aaral at pagiging matagumpay sa buhay.

Tema: Sa kasalukuyang panahon pinaniniwalaan natin ang edukasyon ang susi sa pagkamit ng mga pangarap at mithiin sa buhay. Ang pagiging matiyaga ay nagdudulot ng maganda lalo na kung tayo ay may tiyaga sa pagkamit ng edukasyon.

Uri ng Paningin:

“Taong 1998 nang nagpasya akong bitiwan ang mga laruan at maynika at tuluyang pinalitan ang mga ito ng mga gamit na panulat tulad ng pluma at papel.”

“Paano ko nga ba naging ticket ang pluma at papel sa biyahe ng buhay?”

“Mas maraming tinik ang realidad kaysa mga rosas.” Ito ang sinabi ko sa aking kwento. Idagdag pa ang aking gamit na pluma at papel ay panalong-panalo na. Bukod sa mga ito naging katulong ko pa ang aking puso`t isip sa pagsusulat.

Naalala ko tuloy ang aking 2006 NSPC: Umaalon-alon pa ang aking sikmura at akmang lumapag ang eroplano ng Cebu Pacific Airlines sa Pandaigdigang Paliparan ng lunsod ng Davao, mula sa halos 30-minuto sa himpapawid.

Dito ko napagtantong ang bituin na ayaw pahabol at paabot ay ang ticket na pluma at bituin sa aking paglalakbay sa mas mataas pang pangarap at mataas na susuungin sa buhay.Ang pagpupuyat ,pluma at ballpen na sumisimbolo sa ating edukasyon and ticket ng tagumpay sa buhay at biyahe sa buhay.

Paningin sa Unang Panauhan - ang may-akda ay sumasanib sa isa sa mga tauhan na siyang nagsasalaysay ng kwento sa pamamagitan ng unang panauhang  “akong,ko,aking, at ating”.