Arz Speaks

My First Attempt

Essay

Pluma at Papel sa aking Paglalakbay

“Sa bawat pagpupuyat…sa bawat paglapat ng pluma sa papel.”

Paano ko nga ba naging ticket ang pluma at papel sa isang karanasang hindi malilimutan at sa paglalakbay tungo sa isang pangarap na bituin?

Umaalon-alon pa ang aking sikmura at akmang lumapag ang eroplano ng Cebu Pacific Airlines sa Pandaigdigang Paliparan ng lunsod ng Davao, mula sa halos 30-minuto sa himpapawid. Sayang hindi ko nalibang ang aking sarili sa magandang tanawin sa ere, sa malalambot na ulap na animo “cotton candy”; sa mga ibon na pilit humahabol sa eroplano ; sa bughaw na dagat na tila kumot sa higaan ; sa mga bahay na nagmistulang laruan;sa mga sasakyan nagging tila laruan at ang mga butuin at buwan na ayaw pahawak,ayaw pahabol,palayo nang palayo…

Ang sinabi ng aking guro ang pumukaw sa aking pag-isip. Sasakay na raw kami sa inarkilang taxi ni Ma`am. Habang sa sasakyan hinahanap ko ang aking pluma at papel.Iyon ang gagamitin kosa patimpalak sa bukas. Nasaan na kaya iyon? Tiningnan ko sa maleta,sa bag , sa may plastic at sa… naiwan ko sa bahay!

Nagsimula na akong magpanic at mangamba. “Naku! Hindi ako mananalo bukas Ma`am,”ang sabi ko sa guro. “Bakit mo nasabi iyan?”,balik tanong niya at sabi kong naiwan ko ang aking pluma at papel.

Bibili daw kami uli bukas pero nagging bahala na ako sa kung anong puwedeng mangyari.Marami ng nangyari una hindi ako naging komportable sa eroplano at ang hindi ko pagdala sa aking kung matalo ako?pluma at papel.

Paano kung matalo ako?Paano ang aking paaralan na ako nalang ang inaasahan? Matatalo ako Susuko na nga lang ako. Magpapatalo ako ng may dignidag. Tama na ang mga nangyayari na nagsisilbing palatandaan ng puwedeng mangyari sa kinabukasan.

May kumikislap at tila nangungusap sa akin ang mga bituin sa langit. May biglang naalala ako sa tuwing ako`y nagpupuyat sa may bintana sa bahay habang mag eensayo sa pagsusulat.Iba-ibang pluma at papel pala ang aking ginagamit mula magkaisip at nagsimulang palitan ang laruan  ng mga pluma at papel –mula nang araw na ako`y matutong magsulat.

Dito ko napagtantong ang buwan at bituin na ayaw pahabol at paabot ay ang ticket na pluma at bituin sa aking paglalakbay sa mas mataas pang pangarap at mataas na susuungin sa buhay.Ang pagpupuyat ,pluma at ballpen na sumisimbolo sa ating edukasyon and ticket ng tagumpay sa buhay at biyahe sa buhay.